الشاعر متعب النصار يحيي نائب أمير منطقة الجوف بأبيات شعرية أنشدها النجم الإعلامي مخلد مبارك
أبدع أحد ابناء شعراء منطقة الجوف شاعر الصورة والفائز بمليون درهم إماراتي الشاعر متعب دهام النصار الشراري بقصيدته الترحيبية بنائب أمير منطقة الجوف صاحب السمو الملكي الأمير عبدالعزيز بن فهد بن تركي بن عبدالعزيز أل سعود يحفظه الله
مرحبا” بسموه الكريم بأبيات شعرية انشدها النجم الإعلامي مخلد مبارك الشراري ونفذها حسام الشراري
ياحلوة الجوف عندي لك خبر بالألوف
إستبشري به لو إنّك تشتكين الضمى
برقٍ من الشرق ضوّه يعجب اللي يشوف
غيثه على وادي السرحان جاد وهمى
هديّة ٍ من زعيم الدار رغم الظروف
سلمان راع الحزم سلمان حامي الحمى
أرسل لنا نادراً سيفه من أغلى السيوف
عسى عيون الحسود اللي حسد : للعمى
يا أميرنا نْصافحك بقلوبنا والكفوف
وأنا من أوّل مهنٌينك بحرفٍ سما
تسوقني يمّك الفرحة وجزل الحروف
قصيدةٍ بالوصايف مثقلة ودهما
فيها التراحيب بحضورك تطيل الوقوف
وفيها المحبّة عظيمة مثل سيلٍ زمى
بك ياولد من زهت به رتبته بالكتوف
بك ياسمي الزعيم اللي حكمها لما
صارت من الخير تشبه دانيات القطوف
وتخالط الشيح مع نوّارها والكمى
لأجلك ياعبدالعزيز إبن الفهد مانطوف
الفرصة اللي فرحها بالضماير نما
صفوا لك أهل الهجيني والدحيّة صفوف
كلّن يعبّر من الفرحة تقول رحما
متأملين بثقة والظن فيك مْعروف
نبغى على إيديك جوف العزّ ترقى سما
شفنا تباشير مقرونة بوجهٍ شغوف
الحلم كنّه إلى حضنك ركض وإرتمى
ماكنّك الضيف حنّا في حضورك ضيوف
وأنا أدري إنك كريم ومن رجال كرما
الله يحييك في دارٍ تحبّك وجوف
تلقى به وجيه من حبّك وخضرة وماء
متعب النصار
[URL]https://youtu.be/2RKCV3PEBdw[/URL]